【點新聞報道】張繼聰加入樂壇20年，趁45歲生日推出新歌《白紙一張》，藉此作為一份特別的禮物與歌迷分享自己近年對人生成就的感悟。
張繼聰表示，感激在20年裏獲得了不少掌聲與認同，但自己心底依然感覺像一張白紙，強調每一天都是重新開始的機會，希望大家享受這個人生過程，隨時可以在白紙上書寫新的篇章。
談到《白紙一張》的靈感由來，張繼聰表示：「人生嘅開始，我們都有一張出世紙，而結束時就會有一張死亡證。漫長嘅旅程中，我們獲得無數紙張，包括成績表和結婚證明書等，呢啲紙張背後承載我哋嘅奮鬥歷程。」他指出，許多人渴望通過各種紙張來證明自己的成就，然而這些紙張的真正意義，其實如同用來包裹禮物的花紙，最重要是過程中所得到的無價溫暖與祝福。
在慶祝入行20周年之際，張繼聰表示這段旅程充滿真實感，他又言：「我覺得好開心，我真係可以隨心所欲同我鍾意嘅音樂人合作，真係達成咗我入行之前好想做歌手嘅夢想，冇用獎項去衡量音樂嘅成就，但係實踐咗我最原本嘅音樂夢想：有機會演出、做自己嘅音樂。」
此外，張繼聰感謝樂迷長期以來的支持，並提到最近的一個活動中，樂迷與他一同慶祝生日，並舉起手勢紀念出道20周年，讓他感觸特別深：「嗰下覺得好觸動，因為我睇住呢班小朋友由讀緊書，到而家結咗婚再一齊出嚟支持我。呢個我諗係音樂生涯中最大收穫，多咗呢一班陪我一齊行咗咁多年嘅朋友，每次有活動都出嚟支持，令我好感動。」張繼聰亦希望能在今年舉辦音樂會回饋樂迷。
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
