【點新聞報道】已一家移民英國的過氣歌手吳日言，疑被影射拖欠設計師尾數及呃政府補助金。事緣有網民在社交平台發文指，指自己負責女藝人餐廳設計同印刷，但對方最後認為收費過高，拒絕找數。有網民柯南上身發現上載的裁判書上印有「yan」字，都估係已移英的吳日言。
該網民在社交平台Threads以「女藝人走$3700尾數」為題發文指，自己負責女藝人餐廳設計同印刷，報完加單價，對方最後認為他的收費過高，發脾氣直接走數。樓主於是入稟小額錢債審裁處，最後法庭判女藝人需要支持申索人應收款項及訟費，但對方至今仍拒絕找數。
樓主在帖文再爆料指，該女藝人疑呃政府補助金，「傾完想報十樣嘢，見佢大單就計平咗啲俾佢，跟住佢就係咁越cut越少，cut到6樣出單，仲不忘叫我出多一張報價單，數目寫大啲俾佢去呃政府subsidy (支援香港品牌拓展海外市場)」。
樓主大呻「我今次瀨哂嘢，又計得好平又受哂氣，做譚仔阿姐仲好搵」。有網民從其上載的裁判書上印有「yan」字，並指「之前唱歌有拍過學警出更」，唔少人都估係已移居英國的吳日言。
有網民留言揶揄「幾千蚊都要走數，睇嚟佢撈得好唔掂」、「佢都移民走佬」、「但佢喺香港仲有生意，記得唔好幫襯 」、「人走咗仲係咁拎香港人着數，無論係政府定係freelancer 設計唔怪得近年佢咁Ｘ樣衰，黑眼圈大過我個黑色銀包，原來係心地差加撈唔掂」。
吳日言暫時未就事件回應。
收藏
取消收藏
分享
