【點新聞報道】講起移民的辛苦，其中之一可能係沒有了工人姐姐的舒適生活。有移英港人在社交平台發文抒發感受，指不少喺香港返開工嘅媽媽，過到英國後都有一段懷疑人生嘅狀態，最後有人頂唔順回流返港，繼續返工打拚。
有移英港人在社交平台發文表示，「發現有唔少喺香港係返開工嘅媽媽，過到嚟都有一段懷疑人生嘅狀態。以前喺職場事業有成，如魚得水，移民後，家務煮飯、湊仔、伴侶關係呢啲，佢哋突然好似一個初學者一樣！」
樓主認為「最慘係覺得自己無晒用武之地，佢哋覺得自己嘅能力唔應該放喺生活嘅柴米油鹽之上，浪費咗自己嘅專業」。然後，有人頂唔順返咗去，繼續返工打拚；有人接受現實，改變心態，專心做好媽媽嘅角色。
正所謂「條路自己揀，扒街唔好喊」，樓主覺得無話啱定錯，所有都只係選擇。有網民則認為是心態問題，指「喺香港習慣將母親嘅責任outsource俾姐姐就會搞成咁，居然將媽媽嘅角色同工作扯上直接關係，英國大把雙職父母呢」。
有網民亦留言指「香港d廢媽乜都外判比工人姐姐做，自己水都唔撚煲，唔反省仲覺得係文化問題」、「佢哋本身都係工人湊大」、「另一個角度，有啲人以為自己有嘅專業，喺呢個國家根本唔需要佢哋。」
收藏
取消收藏
分享
稿件由上傳 · 文責自負 · 不代表本網立場
