【點新聞報道】日前，有網民搭乘由日本返港客機，目擊有一家三口帶病強行登機，港爸更辯稱妻女並非發燒生病，最終導致航班延誤逾1小時。網民補充，這家人上機後甚至沒有戴口罩，被評論區直斥無公德心。
樓主於周二（31日）在「HK Express 香港快運及旅行資訊關注組」Facebook專頁發文，指近日搭乘香港快運於周一（30日）由日本高松回港的航班上，目擊一名港爸帶着一臉病容、額頭貼着退熱貼的妻女硬闖航機。該航班原定於當日下午2時35分，由日本高鬆起飛返港，預計返抵香港約為晚上6時。因這一家三口帶病強行登機，導致航班大延誤逾1小時，至3時42分方可起飛，抵港時間足足延誤至7時多。
樓主形容，他在過安檢時，聽見這3人家庭在排隊時不停說「Check in唔到，有冇人好心畀佢插隊排入去」。當時所見這家庭拖住疑過大的行李箱，他的妻子和目測5、6歲的女兒額頭均貼了退熱貼。樓主說這家庭是「純本地」香港人，疑在櫃位已因發燒問題無法辦理登機。進入候機室後，「地勤一路同佢有嘢講，（港爸）叉曬腰好有型咁」，他們幾乎最後才上機。
樓主稱，其後，有名日本地勤上機為該家庭量體溫。「無耐有個日本地勤上機講一堆嘢，又量體溫，我聽到結果係「SLIGHTLY FEVER」，咁問佢幾時發，佢話呢幾日，原因極好笑，話自己個家庭浸得溫泉太多，又發現個女隻眼紅曬。」客機原本計劃下午2時35分起飛，但機門和駕駛艙門都一直打開，過程中無人解釋延誤原因，樓主則懷疑與該家庭有關。
飛機起飛後，樓主稱「成程機4個鐘完全無戴口罩」，「個女唔係瞓就咳，個男人係咁睇片，仲不停去廁所。」當飛機飛抵香港準備降落之際，機長已宣布乘客返回座位扣好安全帶，該港爸指女兒內急，竟然擅自解開安全帶，「話要同個女去廁所」，但即時被空姐拒絕要求「佢坐定」。落機後，網民一直聽見其女兒「就話要去廁所」，估計因為發燒，為硬闖搭機，在上機前大量灌水降溫。到取行李時，終於見不到該三口家，樓主估計是因為過海關時「量體溫度封咗佢」。
樓主在文內直斥該一家三口，指發燒就不應上飛機累人累物，而且還咳嗽，至少也要戴口罩，他不是從事航空業，可能有一定準則決定乘客發燒都可以登機，「好歹你戴返個口罩。仲要話浸得太多溫泉發燒？我都有浸，做埋桑拿添，呢啲咁嘅人，影衰晒成機人」。他稱不會怪空姐空少，「我睇到佢哋好專業地一步步處理緊問題。出入無數次，如果換着歐美講英文嘅，應該收咗佢皮」，形容今次是最差的飛行體驗。
網民紛紛批評該家庭自私，「中咗流感啦，仲唔帶口罩，真X街，全機起碼3成人畀佢傳染」、「有病唔戴口罩真係好缺德」、「浸溫泉浸到發燒都係第一次聽，當人白癡咩，中咗流感呀」、「呢啲即場開佢波啦，難為班空姐」、「就係你呢種人影衰香港人」、「機倉依個密閉空間，好易病」。還有網民提議，「下次有人病，影響航機安全！請出聲叫地勤/空姐 call 『medlink』......只要有醫生護士講一句Not Fit for flight，咁佢地就要落機。」
收藏
取消收藏
分享
