【點新聞報道】不少港人移民外國後，才深感兩地文化差異巨大，一名移民澳洲的港女近日在網上分享，其澳洲男友一個洗碗習慣令她超崩潰，原來男友用洗潔精洗完碗後，竟不沖洗就將仍滿是泡泡的碗直接放置一邊晾乾，雖然後來才得悉「原來身邊個個澳洲人都係咁」，但她仍覺得難以理解，簡直係文化大衝擊。
該名移民澳洲3年的香港女護士近日在社交平台threads發文表示，在香港通常用洗潔精洗完碗，都會用水將泡泡沖洗乾淨，然後再抹乾或晾乾。但當她與澳洲男友同居後，發現男友用洗潔精洗完碗後，竟不沖洗就將仍滿是泡泡的碗直接放置一邊晾乾，令她大為震驚「一開始同佢一齊住我嚇死咗」。隨後，她亦同男友解釋，「唔rinse咁咪食晒啲洗潔精chemical落肚囉」。
樓主還表示，去男友的朋友或家人屋企時，亦見到他們洗完碗後都是直接保留泡泡；在公司茶水房見到同事洗碗，同樣用洗潔精洗完後不沖洗，就直接用抹布抹乾。樓主於是發文問網民，「有無人知點解？」
帖文引起不少網民同感，紛紛留言表示，「終於知道點解亞洲人比較長命，當中香港人好似係最長命嘅」、「以前細時去澳洲住過一段短時間，幫手做家務嘅時候佢哋都話啲碗唔使過水。宜家喺英國啲人都話唔使點樣洗。（但係會堅持用洗碗碟機）」、「英國都係⋯喺英國洗完碗用水沖泡，英國屋主話洗潔精嘅發明係D泡會自己消失，唔洗浪費水」、「所有鬼佬都唔過水㗎，可能佢地覺得洗潔精食落肚係冇問題」。樓主大嘆到目前為止，根據各網民回覆，包括英國、澳洲、新西蘭、法國、美國及荷蘭的人，也是洗潔精洗碗唔過水。
另有網友分享曾於用餐時吃出「洗潔精味」的經歷，「我係歐洲，試過係餐廳坐低飲杯水，點知成口洗潔清，當場想噴出嚟！」、「有次飲咗幾啖湯覺得有洗潔精味，轉身見到個屋主洗碗唔沖水，崩潰程度係想即刻倒咗碗湯」。
收藏
取消收藏
分享
