【點新聞報道】不少港人為了節省時間，選擇外賣平台下單，但一旦按錯掣付了錢就會鬧出不少烏龍。日前有港男於社交平台發布帖文，指自己使用網上外賣平台下訂單時，誤點錯了按鈕，結果以60元買了1對外賣木製筷子等餐具，大呻：「我到底瞓X醒未？」又疑惑「諗起送外賣嗰個就咁抽住個膠袋，好想知佢諗緊啲咩」。
事件發生在21日晚上約9時45分，事主在社交平台Threads發帖表示：「撳錯掣，畀$60買咗一對筷子。」他在帖文中附有外賣收據及一段影片。片中顯示，事主打開送來的外賣，膠袋裏面只有一套餐具，包括一對木筷子及膠匙羹。而從外賣收據可以看到，事主訂購的商品是1套「餐具-木製餐具套裝」，價格是1元，該外賣運費35元，另加平台服務費2元。在扣除其他優惠37元後，由於價格未達最低消費，事主仍要付「與最低消費的差價」59元，總數實付60元。
事主表示，他在收到一套餐具後，懷疑自己是在睡夢中下的單：「諗起送外賣嗰個，就咁抽住個膠袋，然後喺餐廳過嚟我屋企嗰段路，好想知渠諗緊啲咩，我到底瞓X醒未？？」
而該帖文也引起網民熱議，「下次睇清楚，賺錢唔易」、「外賣仔以為你係詩人，入面裝咗啲寂寞」、「想知外賣大哥拎住呢份外賣嘅心情」、「畀60蚊買一套即棄餐具，有錢人嘅世界真係難明」、「你呢個post暖我一整天 」、「2024最好笑俾你超越了」、「外賣員心諗，你到底有幾需要對筷子要畀$60去買」。
有趣的是，事後外賣員與餃子店職員均現身回應，其中外賣員打趣表示，「作為噚晚（12月21日）幫您送筷子同羹嘅外賣員，好多謝您願意用$60買一對餐具，令我輕鬆賺$32運費」。外賣員續說，當晚去到餐廳，店員曾致電樓主確認但「電話唔通」，唯有依運送餐具，「收到餐嗰一刻都唔敢相信有人用$60蚊買套餐具，再一次多謝您用$60買一套餐具促進香港經濟發展，同埋令我輕鬆賺$32運費」。
餃子店職員則說，當日有致電樓主想確認訂單，「本人已有打電話，但係飛去留言我都愛莫能助」。由於無法聯絡顧客，當時亦不確定客人是否真的單純想要1份餐具，遂按訂單派送，「我同車手都唔肯定個客係唔係純粹真係要一份餐具，加上電話打唔通，諗諗下都係照出咗先，到時退款就照退」。
對於以上回應，事主亦留言道：「結論自己手快撳錯冇睇，流量搵翻店員講有打過俾我（感謝！），沖緊涼冇聽到，車手大哥接單都有笑左，所有人都冇野，純粹俾大家笑下，放鬆啲香港人～」
收藏
取消收藏
分享
