【點新聞報道】學校小食部多以價廉物美的小食作招徠，不過，近日一名學生在社交平台上發文，呻自己在學校小食部買了一份腿蛋三文治，沒料到中間的雞蛋大幅縮水，嬲爆表示：「嗰蛋想點」。
該名學生在社交平台threads爆粗表示，「咁都唔執」、「收我$9嗰蛋想點」。相中可見該份腿蛋三文治，中間的雞蛋大幅縮水，真係都雞碎咁多。據悉，該小食部由一個專責本港中小學食物部的集團經營。
帖文引起不少網民熱議，「笑咗，目測佢應該唔夠一隻蛋，9蚊算收少咗你，佢煎完一隻仲要用工具分開，做多幾多功夫呀」、「你係咪嗌腿治，佢唔覺意跌咗啲蛋俾你咋？」、「「$1食材$8手工錢」、「鵪鶉蛋都係蛋」。
不少人則對學校小食部感到失望透了，「成日覺得佢哋就係食住啲中學生冇得出去買嘢食先賣咁貴」、「真心，我哋學校成個小食部唯一信心保值嘅係嘢飲」、「自己整都開心過食到佢」。
收藏
取消收藏
分享
