【點新聞報道】林家謙憑電影《破·地獄》歌曲《普渡眾生》入圍「叱咤樂壇我最喜愛的歌曲」15強，林家謙直言開心。
林家謙昨日（11日）和片中女主角衛詩雅出席澳門活動。家謙說：「呢首歌都幾多朋友喜歡，當中包括許冠文或者許冠傑佢哋，因為我啱啱同衛詩雅傾偈，他們喺個WhatsApp group問想學唱呢隻歌，我有啲surprise。」對於第一次做電影音樂歌曲便得到樂迷支持，非常感恩。被問到早前陳慧琳透露想邀歌，他表示：「佢真係有問我，我已經心虛咗好耐，因為一路都未俾到好嘅歌，我覺得今年過得好快，歌曲風格她就冇乜所謂由我發揮，可能慢歌會比較適合她。」
對於《破·地獄》深受世界各地的影迷歡迎，衛詩雅開心說：「我琴日收到嘅短訊話有個朋友喺澳洲睇，坐喺佢隔籬嗰兩個人都係外國人都會喊，所以我覺得好感動！」提到衛詩雅明年結婚的進展，是否已經試婚紗，她說：「已經試咗㗎啦！我嚟呢度之前先收到個短訊，原來我哋要去註冊處辦理啲唔知咩程序，原來要14日內冇人反對，先可以結婚，但點解會有人反對？我覺得呢件事好有趣，應該冇人反對掛！」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
