【點新聞報道】港產災難大片《焚城》上畫踏入第二個月，票房強勢衝破3800萬，演員謝票時會有不少影迷發問劇情事宜，演員團隊都親自解答。
電影尾段，年輕消防員「細柱」（魏浚笙 飾）不顧身經百戰的「煙鏟」（謝君豪 飾）阻止，執意陪伴隊友，引爆蓄水池「送死」，有影迷不以為然。豪哥解釋在最初也有同樣疑問，後來就特意向真實消防員請教：「佢哋答得好輕鬆，好平常。佢話，一啲都唔奇怪，係正常嘅消防員都會咁做。其實佢哋越答得輕鬆，我越感動，因為呢個係佢哋嘅責任，佢哋覺得一個消防員去支援隊友係好正常嘅事。」豪哥回憶拍攝當日，蓄水池場景綑滿炸彈，內心十分緊張，然而為投入角色，大家都要表現得輕鬆自然，豪哥笑言：「啲炸彈不停爆，爆咗好耐，仲好記得啲灰塵彈晒落塊面，但拍完之後大家都好開心，因為呢個場面真係拍得好靚。」不少觀眾同樣關注戲中的火災場景，是否全使用CG技術。何啟華（阿Dee）透露：「現場拍攝係有用到真火，只係用低溫火拍攝，這才達到真實效果。」
金像獎最佳女配角區嘉雯，戲中飾演天文台台長，當中一場催淚戲令觀眾難以忘懷。嘉雯姐說：「嗰朝早咗起身去跑步，點知仆親，個面腫咗。拍戲時，其實我一邊面係腫嘅！」嘉雯姐又稱同場演員都非常專業，尤其坐她身旁的華仔，帶動到她更加投入演出。
（點新聞特約記者陳惠芳報道）
相關閱讀：
收藏
取消收藏
分享
稿件由上傳 · 文責自負 · 不代表本網立場
