【點新聞報道】不少人為慳多少少，都會召「85折的士」！近日有的士司機在網上大呻，指在開工期間，見到召車訂單，有乘客想由機場去港島西半山豪宅，惟備註加上「6折」兩字，令司機嬲爆直指「企喺機場慢慢等喇」！
該的士司機在fb群組「的士司機資訊網Taxi」上載電召的士App截圖，指有乘客電召的士，想從赤鱲角機場到港島西半山豪宅海雅閣，但備註加上「6折」兩字。樓主不禁驚訝地寫道「半山唔係傳統富豪地區咩？咁有米都要六折？」，直指「由佢企喺機場慢慢等就啱㗎喇」。
帖文引來不少網民熱議，「人無恥便無敵」、「半山嘅客真係好X孤寒㗎⋯⋯」、「半山X人多，X客多多」、「以前佢叫85跟住7折，而家6折，即係7折都有人做過啦，而家再試下叫低啲」。其後，更有的士行家透露，已有司機接單，有網民慨嘆「百貨應百客，有人接就係反映市場供求」。
收藏
取消收藏
分享
稿件由上傳 · 文責自負 · 不代表本網立場
