文/稀思路
近日（12月1日），美國總統拜登突然改口，違反承諾並宣布特赦自己犯咗刑事罪行嘅兒子亨特，引來外界猛烈批評，特朗普批評，傳媒亦唔放過，有人笑謔，呢啲就係「美式法治」；特赦自己犯咗罪嘅親人、朋友，擺明就係破壞法治，但有趣嘅係，美國總統呢種破壞法治嘅做法，原來係美國「傳統」嚟，美國首位總統華盛頓，之後到福特，再到克林頓以至特朗普等，都係用同一招。不時聽到人話，針對中國係美國兩黨嘅共識，其實對美國總統嚟講，特赦親人先係美國兩黨「共識」！
由美國第一位總統華盛頓講起，當時佢想對威士忌收稅，有農民認為自己利益受損所以暴力抗議，明明有人支持華盛頓運用所有力量去對付班農民，但華盛頓就決定赦免相關人士並結束騷亂。
如果講特赦或赦免，華盛頓雖然都唔係啱，但至少唔係為自己或者實際利益，但美國總統會「進步」的，例如喺1974年，當時嘅美國總統福特，就特赦佢前任嘅總統，即係畀水門事件搞到身敗名裂嘅尼克遜，擺明私相授受，之後福特未能連任，有說法話佢特赦尼克遜都係原因之一。再發展落去，就有克林頓特赦自己同父異母嘅兄弟，至於特朗普呢？厲害了，已經發布過25項赦免同10項減刑，包括特赦自己親家，早前仲任命人哋出任美國駐法國大使，「美式法治」？無法無天先啱。
講真，話美國嘅法治係「美式法治」，係一種諷刺嘅稱呼，筆者個人比較心直口快，直頭覺得「美國冇法治」，因為平息騷擾而特赦，本身已經有問題，之後赦免前任，更過分；一直發展落去，特赦兄弟、特赦親家，依家拜登特赦兒子了！美國成日干預其他國家，妄議其他國家法治情況，原來美國總統本人已經唔尊重法治，然後質疑其他國家嘅司法情況，這是笑話嗎？
其實，美國總統將特赦玩到爛，喺其他方面，美國法治、人權狀況等，一樣係爛透透，上一兩星期筆者先寫過，美國警察射殺罪案受害者，然後警察代表話開槍警察「冇錯」；美國官方任意打擊其他國家，見中國科技崛起就不斷禁制、「制裁」，逆全球化兼橫蠻無理；美國係咪夠自由，筆者唔敢講，但講到法治？拜登就已經公開示範咗，It's nothing!（它什麼都不是！）
對比美國同中國，以至美國同香港地區，好明顯，我哋不論係立法、執法同判決，所有事都係有規有矩好多；最近，包括美國政府、政客在內嘅外國勢力干預香港嘅「35+顛覆案」，筆者要問清楚，係咪因為美國慣咗特赦有罪嘅人，包括親人、親信同朋友，所以要香港特區都跟呢一套呢？不過，我哋中國人，不吃這一套，亦不跟這一套，如果好似外國勢力咁雙重標準，咁就唔係法治喇。
收藏
取消收藏
分享
