【點新聞報道】賀歲電影《臨時決鬥》，由《臨時劫案》導演麥啟光率領古天樂、梁詠琪（GiGi）、王丹妮、周秀娜、胡子彤、張文傑、陳湛文、楊詩敏（蝦頭）、伍允龍等人演出，集動作搞笑打造一齣勵志電影。該片更於早前煞科。
戲中多位演員在擂台上交出驚喜動作演出，台前幕後趁煞科時刻齊集擂台大合照，古天樂成為演員的打卡對象，蝦頭要古仔攬攬合照，陳湛文就握手道別，古天樂當然有求必應，古天樂說：「好開心完成拍攝，見到演員好努力演出精彩的動作場面，加上充滿喜劇節奏的故事，相信係一齣娛樂性豐富的賀歲好戲。」
梁詠琪說：「同丹妮、秀娜、蝦頭一齊練拳準備呢部戲都好開心，識到佢哋好開心，相隔多年再同古仔合作感覺好新鮮，今次再次同佢做夫妻，感覺幾得意，好親切感覺。我拍第一部戲時已認識導演，當時佢幫我試鏡，識咗咁多年第一次合作，多謝導演畀我好大發揮空間。」
王丹妮說：「內心一直好想拍一次喜劇，今次終於願夢成真，有某幾日連續拍攝完泰拳動作，嗰幾個朝早起身都周身肌肉酸痛，但成功做到拍攝要求嘅動作之後，滿足嘅感覺真係難以形容。今次對角色係一個挑戰，經此一役自己成長咗，更加無畏無懼，係好寶貴嘅拍攝體驗。」
周秀娜說：「對於我來講係新鮮刺激拍攝過程，特別係我同丹妮的一場拳擊比賽，整個過程好滿足，我哋好少用到替身，所以好有成功感，開心滿足。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
