【點新聞報道】筲箕灣有衣紙舖遇竊！店主翻查閉路電視揭發，有一名男子途經舖頭時擸走兩個陀螺，諷刺指：「陀螺要有個發射器先玩到，你偷一半又唔偷一半」。竊賊容貌被清楚拍下，不少街坊紛紛留言表示「矇矇地正面有兩分似朝偉」、「先生你好上鏡喎」、「報警啦」等。
有網民在fb群組「筲箕灣西灣河關注組」發文並且附上一條閉露電視影片，顯示事發於本周一（11月25日）下午2時許，指「呢位先生，經過我舖頭見到我賣嘅陀螺吸引到佢，一出手就擸咗兩個，$6一個你都偷，我都唔緊要喇，最大問題係個陀螺要有個發射器先玩到，你偷一半又唔偷一半，而家搞到多咗兩舊垃圾喺我舖頭」。
從其影片可見，一名身穿白色外套及運動褲、背着黑背囊的男子，在舖頭門口一手拿起兩隻陀螺，繼而若無其事地轉身離開。
不少街坊看過影片後紛紛留言，「矇矇地正面有兩分似朝偉」、「個樣好清楚」、「先生你好上鏡喎」、「好媚好貌」、「要出名真係唔難」、「呢條友我認得佢啦」、「貪念好可怕」、「報警啦」等。
另有網民留言嘲諷該笨賊，「先生。你要返去偷埋配件」、「快D去偷埋2個發射器喇，咁L鍾意偷嘢，唔係玩唔到㗎，得物冇所用」、「一於咁話今日去偷埋個發射器咁就可以玩啦」。
收藏
取消收藏
分享
稿件由上傳 · 文責自負 · 不代表本網立場
