【點新聞報道】茶餐廳的吉列豬扒飯大份抵食，十分受歡迎。不過，日前有港男在網上發帖大呻，於觀塘一間茶餐廳點了一份60元的咖哩吉列豬扒飯，驚見豬扒嘅厚度根本就係肉片，形容「薄到連支叉嘅罅隙都可以攝得入」，更大彈味道差「咖喱汁，超級鹹」，直指「大中伏」。樓主直言好後悔，「早知道去對面食個兩餸飯」，並明言以後都唔會再幫襯。
該港男於fb群組「香港茶餐廳及美食關注組」發文及發相，指自己日前於觀塘一間茶餐廳午膳，點了一份「午餐C，咖哩吉列豬扒飯」，食過後大彈「咖喱汁，超級鹹」，形容「嗰塊豬扒，豬肉嘅厚度，根本就係肉片，而唔係豬扒」、「夾硬用吉列嘅方法去炸，炸到成塊豬扒捲曲揦埋一舊」。樓主更用叉挑起豬扒，指「連埋吉列脆殻，薄到連支叉嘅罅隙都可以攝得入！」
樓主表示「成塊所謂豬扒，最大嗰嚿係豬扒嗰塊骨頭，因為炸完都唔識縮細」，埋怨稱「真係估唔到呢間餐廳做到咁差咁差，正常嚟講，有時食物煮得唔好食，我都會盡量食咗佢，因為唔想浪費。但係今次我真係頂唔順，係好少有忍唔住，食唔落」，最終樓主只是食了幾啖飯，飲了凍檸茶及餐湯便算。
樓主其後再在留言補充，與其他茶餐廳對比下，「呢塊咁嘅吉列豬扒，做到比火腿稍為厚小小，勉強喺嗰支叉嘅罅隙嗰度都攝得落，真係做工精細、巧奪天工。」
帖文引起網民熱議，不少人都指茶餐廳離譜，「薄到咁都拎畀人食」，「豬肉乾？」、「咖哩吉列豬骨」、「睇都睇得出，係豬肉乾，冇晒肉汁」、「貼錢買難受，慘」、「俾錢食垃圾」。
有人認為是將價就貨，「將價就貨明嘅不過咁搞法…遲啲碟頭飯淨係白飯 + 醬汁」、「師兄，而家呢吉列豬扒間間都係咁㗎同張紙冇分別㗎！小弟已經放棄咗食吉列豬扒飯！」、「自己搞死自己出品」、「執笠絕對係好合理！」。
收藏
取消收藏
分享
