【點新聞報道】TVB台慶劇《黑色月光》在昨晚（12日）播出的一集中，蔣氏父子關係正式決裂，蔣基俊（馬志威飾） 與父親蔣哲賢（尹揚明飾）先是發生口角繼而動武，最終失掉理智拿起高爾夫球棍瘋狂毆打親父，更邊打邊歇斯底裏地吼叫：「我做錯啲咩呀？我做錯你打我，我做啱你又打我，我係你個仔嚟架」、「我寧願我唔係姓蔣，我寧願冇咁有錢，你知唔知我要啲咩？我要你愛我咋」，劇中的痛心大剖白原來是由馬志威親自撰寫。
馬志威覺得要讓對方知道自己埋藏在心深處的多年鬱結：「我覺得呢個（加咗對白後）反差幾好，我同你講緊心底裏面最想要嘅嘢，但係我一出手就做出最殘酷嘅行為。」自認過往是「工作狂」兼「完美主義者」的馬志威，坦言用了十年時間才學會要懂得放鬆；出道一年便有幸拍攝電影兼擔任男主角的他，演藝路其實並非一帆風順，更曾因試過多個月沒有工作，不停懷疑自己，並於疫情期間患上情緒病。他說：「當時隔離了太多次，我試過隔離咗90幾日，情緒出現問題，我記得一出去就即刻去睇醫生食藥，嗰時斷斷續續都食咗半年藥，嗰半年係唔想見人，但要工作冇辦法，唔使開工就成日匿喺屋企，好驚見人。」談到為何於27歲之齡才加入演藝圈，馬志威笑言當初其實一心想當幕後，更從不認為自己是一名靚仔，他向記者說道：「可能以前我係肥仔，小時候自我形象比較低，即使我瘦咗入行，都唔覺得自己係典型嘅靚仔。」
談到劇中與前輩尹揚明和郭鋒有對手戲，馬志威坦言自己獲益良多，並直指與首度合作的鋒哥說「唔夠喉」：「我好鐘意鋒哥，好欣賞佢嘅演技，佢又會畀咗好多意見我，令到出嚟嘅效果有驚喜。」
另外，郭鋒拍戲時竟一時記不起楊茜堯的角色名，又數度忘記對白，由於全程樣子十分可愛，令楊茜堯及林夏薇開心笑不停。雖然相關拍攝片段有現場收音，但該幕的出街版本，卓昊天還是「配了音」。
（點新聞特約記者陳惠芳報道）
收藏
取消收藏
分享
