【點新聞報道】出街要環顧四周，注意安全！有網民日前上載一段影片，見到一名大媽在街頭手持鋸刀行走，手部搖擺幅度頗大，樓主憶述「行過差啲比佢劈到」，形容「真係好危險」。有網民指出該大媽已觸犯法例，「把嘢仲要生鏽，比佢整傷真係多謝晒」。
該名港男在社交平台Threads發文並上載一段僅1秒的影片，可見到一名大媽在街頭手持鋸刀行走，鋸刀刀鋒向下，惟其手部前後搖擺幅度頗大，樓主憶述當日「在警局門口遇到佢，之後佢仲同我上埋同一架巴士」，更指「行過差啲比佢劈到」，形容「香港而家出門真係好危險」。
有網民指出該大媽「觸犯在公眾地方管有攻擊性武器罪」、「依個方向，真係攻擊性武器」、「黐線，報警」。不少網民紛紛留言「搵張報紙包住吖，咁樣行街差人可以拉你藏有武器！」、「把嘢仲要生鏽，比佢整傷真係多謝晒」、「唔理拎唔拎住危險嘢，真係好憎啲人行路隻手揈到咁大動作」、「真係好自私，明知攞住把嘢就唔好手揈揈咁行啦」。
收藏
取消收藏
分享
稿件由上傳 · 文責自負 · 不代表本網立場
