點新聞 ｜ 每日點新聞 點解香港事

【點新聞報道】由陳百祥（阿叻）、譚詠麟和曾志偉組織的「香港明星足球隊」，希望將整個演藝圈凝聚在一起，可是自阿叻於汕頭作賽怒踢對手惹熱議後，就再無現身作賽，更傳「分家」自組另一隊「精裝明星足球隊」，成員包括馬國明、洪天明、謝天華、陳展鵬及吳卓羲。

阿叻昨日（4日）與黃杏秀出席《2024EYT好友會聯歡晚宴》，場面熱鬧。對於阿叻另組「精裝明星足球隊」的原因，他解釋：「香港明星足球隊隊員都70幾歲，唔會永遠由佢哋踢落去，因而決定帶第二隊，訓練藝人到不同地方踢足球比賽，亦想觀眾見到有啲新面孔。」他再次否認跟明星足球隊不和，只是他自己跟個別人有某些不同看法，他更說：「合久必分、分久必合。而且佢哋鍾意錢，要開演唱會，咁我就退休，又唔等錢使。」對於兩隊踢友誼賽的可能性，阿叻表示：「邊可能，佢哋年紀咁大！」

阿叻表示「香港明星足球隊」的隊員年紀已大，由於他以「譚生」稱呼譚詠麟，直言無可能叫他落場90分鐘，「佢哋一星期只練一日波，而自己以前係踢職業，一星期踢四日；佢哋踢啲較容易嘅足球，但自己鍾意踢啲有競爭性嘅足球，想踢認真啲所以另組多隊足球隊。」

阿叻早前亦透露新隊伍「精裝明星隊」每一個人大家都認識，即使自己無小朋友未能一代一代地接下來，而家都可以承傳落去，不過，自己都會與香港明星足球隊練波、踢波，其實沒太大分別。

（點新聞特約記者陳惠芳報道）