【點新聞報道】在日本當巴士車長日薪高達1014港元？近日，有港男在網上以「日本荒野大合宿、長野考巴士」為題發帖，詳細記載其在日本考巴士牌的經歷。有網民好奇樓主為何有興趣赴日揸巴士，他坦言：「係錢呀」，「我舊同學做緊酒店前台，1個月到手先得16萬円（約港幣8128元），做巴士佬一日（稅後）2萬円（約港幣1014元）……返一日兼職實袋2萬（円）。」
樓主稱，到日本考巴士牌需在專門學校培訓。上堂住宿加上考試，總共收費580,000円（港幣約29419元），「1 take pass都要三個星期，total 58萬（円），唔合格就逐堂同你計，仲有住宿費。」他還稱，每日「要7點前返到學校，如果唔係就當遲到」，「宿舍有門禁，10點前一定要返去報到。」「日日都要返學，一日假期都冇。」此外，會講日文是基本條件，「你唔識日文冇可能考得到，我諗文法要接近N1先理解到啲問題。」
樓主坦言，在日本考巴士牌比在香港要困難，「比較過一定難香港好多，首先私家車都要考一個場內試，同埋筆試合格咗，先可以出街，日本考試呢，就有個評分標準嘅，你望少一次鏡做錯一樣細嘢，佢就會扣5分，扣到低過80分，佢就會叫你返去㗎。」樓主說，自己選擇赴日考巴士牌主要是看中了這份工作的高薪，「電車公司巴士佬基本稅前45萬（円）（約港幣22861元），到手都應該35（萬円）、36（萬円）（約港幣18289元），巴士佬喺日本算係專業人士嚟。」而且揸巴士要學好多知識，因此「我而家非常尊重巴士佬」。
不過樓主表示，考完牌後，仍未決定是否留日本揸巴士，「不過考咗先，反正成世都有用。」他亦提醒網民在日本巴士的商用車牌是不可以轉牌，「得私家車同埋電單車可以轉牌，不過都要考一個叫轉牌試，唔係咁容易，識得有個香港人考咗七次都未考到。」
許多網民表示被日本巴士車長的高薪吸引，甚至有香港車長問，「想去考個日本巴士牌，使唔使重新學過？」樓主回覆：「首先你要住喺日本，第二你日文要完全溝通到，第三你做嘢嘅話，要有特定簽證先可以做到，完成三個條件，你就可以重新學啦。」
收藏
取消收藏
分享
