【點新聞報道】近日不少餐廳紛紛「出招」吸客，繼連鎖粥店「海皇粥店」宣布灣仔分店推出早市$10放題，45分鐘內任食瑤柱白粥、豆漿同油器後，另一食店「千之味刺身壽司專門店」日前亦跟風，在全線分店推出「$10壽司飯放題」，可於45分鐘內任食壽司飯、豉油、日式芥末wasabi，亦可任飲綠茶。
「千之味刺身壽司專門店」日前在fb發帖表示，在全線分店推出「$10壽司飯放題」，限時45分鐘任食任飲，包括壽司飯、豉油、Wasabi，及無限綠茶任飲。活動時間為本月25日至27日的所有營業時間。食店亦提醒食客要珍惜食物，如有浪費食物會以100克罰款$100計算。
「千之味」在留言區表示，「00後小編真係顛顛地」、「得啦～大家成日問我幾時有放題嘛！？而家有喇～～仲可以任食wasabi添」、「生意難先係各小編發揮小小宇宙既時候」。有網民問「點解一行寫罰100一行寫罰50嘅？」，小編則稱「分開罰，飲晒啲綠茶先好走」。
不少網民大讚「靚抽」、「抽得好快」、「人地嘅白粥，抽乾水就變飯」；有網民則笑言「放兩條青瓜絲得掛？」、「有冇得七味粉加紫菜」、「老闆成日話我係飯桶，我係咪應該去測試一吓自己係咪飯桶？」「笑死，可唔可以加送多片薑？」
收藏
取消收藏
分享
稿件由上傳 · 文責自負 · 不代表本網立場
