【點新聞報道】使用長銀包搭巴士時，竟因八達通和信用卡的感應器過近，導致「嘟曬兩邊」付了兩份車資！近日，一名港女在threads發帖，分享她搭乘巴士時的經歷，形容事件令她「好嬲好嬲」。而網友也毫不留情地笑她「一份係車費，另一份係智商稅，無收多你」。
該港女在threads發文，指她日前搭乘巴士時，本來打算以信用卡付費，但因為她使用的是長銀包，以致向左邊的信用卡感應器拍卡時，右邊八達通感應器同時感應到其八達通靠近，結果出現「嘟曬兩邊」情況。樓主之後和巴士車長對望，示意詢問對方「咁而家點搞先？」，但樓主形容車長打開雙手，「笑住對住我擰一擰頭」，示意「唔關佢事」，故大呻「救命，邊X個設計得（感應器）咁近，同我企出嚟」。港女稱，本來該程車資為10.8元，但因為信用卡及八達通都被扣費了，因此合共支付了21.6元。她表示很崩潰。
有網民對樓主的經歷表示同情，提醒她可以主動聯絡九巴交代事件，並申請退錢，「試過重複拍卡，如果唔怕麻煩，其實可以電郵九巴同佢講返八達通Number、信用卡紀錄、路線，佢回覆調查返可以退返錢俾你」、「我試過用實體八達通嘟完，因為車好多人好逼，逼到我只能企近卡機位，我個手機係褲袋，轉個急彎撞到卡機嘟咗我手機另一張八達通，我之後Send返Email畀KMB，證明佢同一時間收咗2次錢同講述情況，佢最後退返錢畀我」。
不過，也有網民認為是樓主粗心大意才導致的這個結果，「打直拍，或者八達通嗰邊向左，都唔會發生咁嘅事，四個方向你係揀會出事嗰一邊，真係幫你唔到」、「你自己OnX啫，萬X幾人搭巴士都無事」、「係設計得近嘅問題咩？另一部擺車尾好唔好？好心上車前就拎定張卡岀嚟，或至少確定銀包邊個位嘟得到咪得囉」。也有網民稱可以向後面乘客索取車資，「試吓問後面（乘客）攞返（車資）」。
收藏
取消收藏
分享
