
【點新聞報道】住宅用戶的水費一般每4個月結算一次,不時會出現疑似錯估水錶而令水費比平時貴數倍的情況。近日有居住在沙田公屋的網民發帖指,以往每期的水費約500多元,而最近一期的水價單竟出現24369元的天價。樓主大呻離奇,「有冇人教下我點用先可以用到兩萬蚊水,定其實我老豆老母係屋企開咗個私人泳池」。
從樓主上傳的照片可見,他上次繳款日期為6月22日,當時水費為533.8元;而10月份收到的水費單中可見,其住所每日平均用水量高達17345公升,應繳總額為24369元。樓主指家住沙田區公屋,與父母同住,為4口之家,而過往水費也只需500多元,完全不理解為何本期水費會如此多,「各位我屋企普通公屋黎,唔好講泳池,魚缸都冇個」。
有網民就指出水費單中的不妥之處,猜測是度數出錯,「你上一期先交得500幾蚊,就算一般情況嘅漏水都唔會突然用多40幾倍水吧?」、「明顯係壞錶」、「定係抄錯錶?不如出去望下個水錶接唔接近單上面個讀數?」。也有不少網民建議樓主聯絡水務署反映水費異常,「打上水務署搵人嚟睇睇好喎」、「我之前都係突然貴咗好多,之後投訴水務署,佢搵人來測錶,原來水錶壞咗,換咗個新嘅現在正常返,平近3分2水費」、「快打去水務署,另把賬單凍結唔交住,查出結果後才安排交回」。
此外,很多網民認為是「壞錶」或漏水所致。對此樓主回應:「屋企目測冇漏水,如果漏咗兩萬蚊水,我屋企應該變萬宜水庫」,認為「壞錶」機會較大,惟「水務署好堅持叫我call房屋署D人睇睇先,之後先再email佢凍結張水單」。


稿件由上傳 · 文責自負 · 不代表本網立場