【點新聞報道】台慶劇《企業強人》來到結局周，劇情高潮迭起，為「吞併」世代物流，陳豪前度朱智賢行動升級。陳豪為了大局放棄世代物流主席身份，並點名理念相同的龔嘉欣接棒。
昨晚（15日）焦點場口是朱智賢與謝東閔鬥智鬥力相關場口，無論是謝東閔一副運籌帷幄的突然變節樣，或是朱智賢的「口蜜腹劍」及方寸大亂後的秒速變臉樣均演繹到位；而謝東閔一句夾雜浮誇與憨直的「你當我Kai架」，更獲網民大讚醒目又可愛。
由於謝東閔與朱朱是首度以真情侶身份合作對手戲，場口自然別具話題性，不少網民笑言「相當醒神」。談到與男友首度合作拍劇，朱朱笑言二人在拍攝現場「零交流」：「我哋事前冇特別溝通，因為驚夾定會好假。同埋我本身一拍劇就會工作mode，所以一埋位我哋只係對戲，冇傾偈嘅。」朱朱坦言起初知道與男友會有對手戲時，確實有點緊張：「因為太熟喇，開頭有擔心自己投入唔到。」問到二人私下意見不合時會否嗌交時，朱朱說：「我哋冇鬧交架喇，唔出聲就算，之後就會冇事，咁多年大家都好習慣大家嘅性格。」
另憑劇中造型贏盡好評的朱朱，前晚一襲露腰套裝短裙將其葫蘆身形、小蠻腰及長腿三大優點展露無遺，而且即使着住坐低仍是「零唧肉」，顏值及健美度再獲關注。問到Keep弗心得，朱朱說：「我不嬲唔太飲甜嘢，就算飲珍珠奶茶，我都係走甜，我覺得飲嘢係會唔覺意地飲咗好多糖分，所以我覺得要戒得好清。第二要戒宵夜，當然我都覺得好困難，尤其冬天夜晚開工，硬係想食啲熱辣辣嘅嘢。第三係要做少少帶氧運動，因為可以幫助燃脂，例如行山、跑步咁。」
（點新聞特約記者陳惠芳報道）
收藏
取消收藏
分享
