【點新聞報道】外賣平台設有「備註欄」可向店家寫下自身需求，最近網上瘋傳一張外賣單，點了1碗叉燒煎蛋公仔麵及2碗海南雞河粉，惟外賣單的備註部分竟有逾200多字，要求「保證全部就到本小姐意思」，被網民怒轟「公主病」、「有病睇醫生！」。
這條「水蛇春咁長」的外賣底單在各大討論區及Threads瘋傳，訂單日期為2024年10月9日，該名女顧客點了1碗叉燒煎蛋公仔麵，以及2個海南雞河粉，總計為284.8元。然而，「備註欄」附有逾200多字，劈頭即要求餐廳「保證全部就到本小姐意思照做」。
備註其他要求包括：「絕對保證每秒冇掂地、冇掂男店員」、「絕對保證每秒限定女廚師、女店員」、「有全新口罩、有全手套、親自負責」、「絕對保證每秒全部專有綁實、結貼膠紙、有手抽」、「最多最大最新膠袋袋」、「袋入20個以上」、「要包五層保鮮紙」。至於食物方面，則要求「全部冇任何配菜、冇分湯」、「全部要即時烹飪、要少油、要新鮮、要最乾淨」、「全新煎EGG鮮雞鮮菜湯麵」等。
不少網民怒轟女僱客有「公主病」、「青山醫院叫外賣」、「佢係咪唔記得咗食藥呀？！」、「有病，自己帶飯啦」、「其實自己煮就最保證滿足佢要求！唔好出來獻世！」有網民認為餐廳應該拒接單，「呢單嘢好癲，真係唔接好過接」、「餐廳都可以踢單架喎」、「一句冇女廚就可以唔使做」。另有網民則對售價嘩然，「嘩，個公仔麵$98，俾我唔會食，食已經痴啦」「如果你一個叉蛋面夠膽賣98蚊。我覺得有咁嘅要求唔過分。」
收藏
取消收藏
分享
