九巴2大叔大聲聊天干擾司機被斥　落車時「攞尾彩」反被KO

【點新聞報道】乘搭巴士時應注意聲量，以免干擾到乘客和司機。近日，就有網民在Threads上發帖稱，九巴有2名大叔在車廂內大聲說話，干擾到全車乘客，因此被司機大聲呵斥。其中1大叔被罵後疑不忿氣，落車時想「攞尾彩」斥責司機，司機熄匙稱準備報警，該大叔這才收聲，2人落車。

該帖文稱，日前乘搭九巴270B時，車廂內有2名年約40至50歲的大叔在超大聲講話，干擾到全車乘客和正在駕駛的司機。到巴士駛至尖山隧道時，司機不堪2名大叔聲量太大，便大聲斥責對方，「叫佢哋收聲唔好影響司機揸車」，2人隨即收聲。不過，其中1名大叔疑不忿氣，在落車時想「攞尾彩」斥責司機「係咪傾偈都唔畀呀？」、「講句嘢都唔得呀？」、「我邊有阻住你啊！」。司機未回罵，只是冷靜陳述巴士條例，即乘客禁止騷擾司機。

然而，大叔聞言繼續責罵司機，司機隨即說要報警，之後便熄匙打電話，2名大叔見狀連忙落車。「司機話咁報警囉，然後就熄匙打電話報警。過多10秒，同佢（大叔）傾偈嗰個阿叔2號走咗返上車勸阿叔1號落車，阿叔1號有下台階就面懵懵咁落咗車」。落車後，2名大叔仍在大聲責罵司機「叫警察嚟搵我囉X頭！」惟司機沒有理會，直接將車開走。

樓主在配文笑言，「唉，真係睇到都覺得尷尬，啲人化少少好唔好。咁大個人都唔化咁面懵嘅，丟架！」。網民也紛紛嘲諷2大叔「勁X」、「面係人哋畀，架係自己丟」、「大癲」、「佢應該冇諗個司機真係會報」。