【點新聞報道】日式漢堡包店MOS BURGER（摩斯漢堡）香港分店日前在社交平台向食客發「挑戰狀」，指只要1分鐘內跳繩180下，就可以免費食到一個「元氣漢堡」，帖文引起網民熱議。
MOS BURGER在帖文表示，「準備咗一個勁好玩嘅活動等你嚟挑戰！」，指本月14日九龍灣淘大分店同筲箕灣形薈店將會搞一個極限運動，挑戰者只要於店內作任何消費即可參加一次「1分鐘180下跳繩挑戰」，挑戰成功即送一份「元氣漢堡」。
帖文引起網民熱議，「1分鐘Un(䟴)腳180下 都未必得」「Marketing有幾離地先諗到」、「跳完都冇命食」、「血壓代替得唔得」、「咁辛苦先得一份漢堡…」、「個客跳到180下，你要請佢食一世burger la，話曬都要世界冠軍level 先meet到喎」。不過，亦有網民認為「其實有跳開繩，一分鐘180真係唔難……」。
翻查資料，香港男子跳繩代表隊梁潤新去年在世界跳繩錦標賽嘅3分鐘男子個人耐力賽贏得冠軍，3分鐘552下（平均1分鐘184下），刷新香港紀錄。
收藏
取消收藏
分享
