【點新聞報道】「鐵血戰士」出沒！日前就有網民在社交平台分享在馬路見到疑似電影角色「鐵血戰士」的相片，旋即引起網民熱議。
有網民在fb群組「車cam L」上載一張馬路相片，只見位於南昌街近澤安邨路口附近，有一名鐵騎士，穿着一身疑似為電影角色「鐵血戰士」的造型，非常吸睛，配上電單車非常有型。
相片旋即引起網民熱議，「嘩嘩嘩，勁呀！！！！！ 型型型 ，真係冇嘢好講 ，型到爆」、「响街見過，型到爆」、「個頭盔有合格安全認證咁堅？？ 否則牛肉乾一張」、「唔記得開隱形mode」。
有網民就關心他會中暑，「其實熱唔熱呀？」、「呢個車手勁啊，大熱天都係咁着！真係服咗佢」、「型係要付出代價，睇見都好熱」、「熱到出熱痱」。也有網民指在其他地區也見過他，「天氣涼 佢就出現」、「周不時喺龍翔道見到佢，型到爆」、「佢日日喺偉智里食早餐！」。
收藏
取消收藏
分享
