【點新聞報道】萬寧購物竟被保安暴力「執法」？近日，有港女在Threads上發帖稱，自己在位於尖沙咀的萬寧購物時，因被誤會偷竊店內物品，竟被便衣保安箍住脖頸和扯住背囊，拖行了約50米。事後該港女憤怒發帖，曝光該店行徑，並稱已向客戶服務部投訴，但暫未收到回覆。該帖引起廣泛熱議，網友們力撐該女子，不少人甚至湧到萬寧官方facebook專頁留言，指責萬寧做法，要求他們道歉。
港女在帖文中稱，事情發生在昨日（8日）早上10時。當天，樓主戴着口罩到位於尖沙咀金馬倫道的萬寧購物，買了兩盒川貝枇杷膏，並使用自助收銀機付款後離開。誰知，當她行出店舖約50米外，「突然之間有1個女人箍住我（樓主）條頸，另1個女人扯住我（樓主）個背囊，然後好大聲咁話『你（樓主）跟我過嚟！你冇畀錢！你偷嘢！』」
樓主一邊被扯，一邊大叫救命，一度以為遭到綁架，隨後被她們扯入萬寧店內，經理詢問發生何事。樓主形容「呢一刻已經驚到喊」，慶幸「個褲袋袋住張收據」，隨即展示收據，同時質問經理「無端端喺條街度扯住我係咁行，箍住我條頸」、「等個客行咗50米之後扯返個客入舖頭嘅」、「只要問我攞張收據，我都可以畀你睇」。
經理見狀解釋道「兩個女人係佢哋嘅便衣保安」，其間有熱心男途人表示目撃事件經過可為樓主作證。之後，當中1名便衣女保安向搭樓主膊頭「懶老友咁」稱：「唔好意思啊，誤會咗你」，樓主反斥對方：「唔好掂我」。
樓主寫道，她對事件感到非常震驚，「喺香港土生土長，未試過發生咁嘅事」，並表示已向該連鎖護理用品店客戶服務部投訴，但暫未獲回覆。她又形容驚魂未定，撰文時「隻手仲震緊，個心仲跳得好快，打緊呢篇嘢嘅時候都有喊」。
帖文發出後引起網友熱議，目前該帖已有逾3000讚好。很多網友都在評論@萬寧官方賬號指責，還有的到facebook專頁評論「如果係我遇到，嗰幾個店員都幾大鑊」、「嘩！保安唔係第一時間問人攞張單睇嚇，係箍頸拖行」、「好離譜！冇權郁手」。有網友建議樓主盡快報警驗傷，「Take care，有冇報警驗傷啊？」「報警唔係希望佢哋會拉嗰兩個便衣，係方便你同萬寧索償（咁樣俾人扯法可能有受傷，擔心你頸椎有事）。」
相關報道：
顧客遭保安箍頸拖行 萬寧致歉：兩涉事人員被解僱 已與保安公司解約
收藏
取消收藏
分享
