【點新聞報道】歷史不斷重複，上世紀九十年代移民英國的港人，不少家庭需丈夫留港賺錢，供養移民的妻兒，丈夫放假便飛去與妻兒短聚，被稱「太空人」。近日有網民就在社交平台發文質疑，很多地方的最低工資都高過香港，點解「仲有人話做太空人，香港搵錢、老婆仔女移民?」帖文惹來不少網民嘲笑，「唔使交稅呀？」、「計埋稅收生活費等才準！」、「點解咁多人回流，就係佢哋搵唔返佢哋喺香港嘅工資水平」。
有網民在社交平台Threads發帖問「點解無人喺外國搵錢返香港使？」，並列舉多個地方的最低工資：加拿大最低工資100港元、英國最低工資113港元、澳洲最低工資124港元，而香港最低工資為40.9港元。樓主質疑「仲有人話做太空人，香港搵錢、老婆仔女移民?」，直指「佢哋全部腦生草？梗係外國搵錢寄返香港啦」。
然而「少年你太年輕了」，事實上外國的稅率高，有網民指出，「喺以上地方搵最低工資扣埋稅加衣食住行只係夠生存，唔係搵最低工資，咁梗係香港低稅好啦。假設人工一樣，比如你係老婆想老公比政府扣多啲稅先俾你同仔女？仲有，移得民就係為本護照，點會留仔女係香港吖，你真心膠定係曲？」、「香港你搵得多，仲可以有機會扣得多 父母、仔女、供樓、mpf 、年金、自願醫保等等，袋落嘅錢會多好似MPF/ pension 香港不論人工供最多都係$1500；英國供嘅pension 係你嘅人工3-5% 即係你人工永遠95%，然後再交NI tax個啲」。
有網民更留言嘲諷，「你就onX，最低工資係高、但喺外國搵唔搵得返喺香港同水平嘅工先係重點。即係喺香港做個中高層管理層，十皮八皮嘢一個月，喺外國會輪到香港人做？有都唔多、唔多得嚟又未必做得嚟啦！仲有稅重呢。」、「你香港份人工低，唔代表人人都同你一樣人工低」、「原來你的人生目標就是為了低工資」。
收藏
取消收藏
分享
