【點新聞報道】外出慶祝生日，不少人會帶蛋糕到餐廳。有港媽近日帶同小朋友到「壽司郎」用膳，並自攜生日蛋糕，到切蛋糕時想點蠟燭，「全間店冇得點蠟燭」，更被店員多番提點「我哋唔會幫你哋做呢啲嘢」。港媽直指「非常無奈及搞笑」，遂到壽司郎社交平台的帖文中留言控訴，結果反而引來大批網民圍剿。
港媽留言表示，「小朋友生日，我帶咗蛋糕過嚟，當時同事話要自己清理糕盒，我話冇問題」。到切蛋糕時想點蠟燭，「全間店冇得點蠟燭，幫（當）我覺得好無奈嘅時候，竟然仲有店內同事提醒我，我哋唔會幫你哋做呢啲嘢」。
港媽稱，後來終於有同事找來打火機點蠟燭，「但係我已經覺得非常搞笑，佢哋話我哋唔會提供呢啲嘢」。之後，職員又表示不能提供碟仔和叉，「我要求要碟仔，佢話我哋唔會提供啲碟畀你食蛋糕，跟住我哋要用豉油碟，問佢攞叉，同事話不能提供」。最後，港媽提醒網民如果想食蛋糕慶祝生日，千祈唔好選擇壽司郎，更形容「無奈及搞笑」。
帖文引來網民熱議，一面倒批評港媽行為猶如「西客」，直言「壽司郎員工係無做錯，人哋跟足指引做野，仲已經額外幫你搵咗火機，你仲想點」、 「無火機有咩咁搞笑，唔係老馮畀你食外面帶入嚟嘅食物」「唔收你切餅費算係咁」、「唔請你走，算好畀面」。
收藏
取消收藏
分享
