【點新聞報道】好人好事！ 救人一命，勝造七級浮屠。一名港男日前路經大埔運頭塘時，發現一名女中學生在天橋徘徊，好似想自殺，於是上前詢問，揭發對方遭到校園欺凌欲輕生，幸在港男開解下，得以平復心情。最後，港男再將對方平安送回家。
該名港男於fb群組「大埔 TAI PO」發文講述事發經過，表示事發於9月27日下午，他路經大埔運頭塘，見到一名年約十四五歲的女生站在行人天橋，徘徊了十幾分鐘，「好似想自殺」，他本來都諗住走，唔好理人咁多事，但最終還是忍不住上前詢問。
港男詢問該女生是否蕩失路，但聊多兩句後，女生主動向其傾訴稱「喺學校唔開心俾人恰，想自殺」。幸好在港男開解下，女生得以平復心情，港男最後更護送女學生到沙田，交回她的爸爸手上。他事後感慨：「我真係覺得自己做咗件好事，真係希望而家啲細路唔好咁容易諗去自殺。」
港男憶述，「開頭都唔敢同我講嘢，可能我個樣惡，跟住傾多幾句佢就爆喊，搞到我都亂晒，好彩佢最後同我講咗好多嘢，其實我覺得最緊要係同身邊嘅人講吓，講完出嚟真係會開心返」。他指，其實校園欺凌，真係好乞人憎，可能會影響小朋友的一生，希望女生父母可以同學校反映正視返個問題。
不少網民大讚港男暖心之舉，「好彩有你，多一點關心，幫到一個人」、「感激有你，學校係欺凌上面真係太多視而不見」、「有人關心/安慰...情緒真係可以平復好多！」、「多謝你的細心，好人有好報」、「唔係每個人都肯行出呢一步」、「多謝你令到呢個社會無咁冷寞」、「多謝你熱心！救返一條生命」、「好人好事。如果大家都能互相關愛多一點，可能就可以減少部分悲劇。」
（本文為作者觀點，不代表本媒體立場）
收藏
取消收藏
分享
