【點新聞報道】《中年好聲音3之決戰大灣區》今日（29日）播映集輪到大灣區賽區餘下10位參賽者出場。
現年38歲報稱是網絡主播的潘紹麟參加過不少大型音樂選秀節目，他自言是「比賽專業戶」，今次再參加比賽是希望圓夢。他說：「有一段時間覺得參加比賽好難，之後去咗做酒吧歌手，因為要先生活後理想，冇再做酒吧歌手之後，就去咗做直播，就咁一個人空房間對住一個鏡頭，成個傻仔咁喺度講嘢，我嘗試過萬人舞台，亦都試過喺酒吧度得兩張枱，落差感都好大，今次趁住男人四十之前，希望喺唱歌呢個夢想上發光發熱，圓自己心願。」
獻唱《那誰》的潘紹麟憑着一把磁性煙嗓成功俘虜一眾評審，惟比賽完後他表現亢奮，得意忘形地瘋狂搞gag，惹來評審巫啟賢不滿，巫啟賢更一度撳熄自己盞燈後說：「你要做一個歌手講嘢時係要收，因為一個歌手要留啲空間畀人欣賞佢嘅沉默、氣質，你唱完首歌我仲喺首歌嘅情緒入面，但你一講嘢我就想撳走呢盞燈，你一開口就破壞晒！」
第二位值得留意的參賽者是39歲的伍耀東，現在是一名博士學生的他曾從事銀行工作7年，後來毅然辭職追尋音樂夢，在酒吧Busking時認識現在的老婆。他說：「因為疫情關係，我冇咗工作，之後去咗考星海音樂學院研究生，當時我係冇任何收入，好話唔好聽，我可以講係食軟飯，我能夠完成呢個學業，係靠我老婆支持我，真係好多謝佢（哽咽）。」伍耀東獻唱《你是我的眼》，其真摰演出大獲好評。
今集有大灣區顏值擔當出場，她便是40歲的網絡歌手陳嘉琦。她曾參加過內地選秀節目《超級女聲》，獲得廣州賽區第5名及全國25強，更被封為2005超女五大美女之一。陳嘉琦當年其實已經簽約做歌手，惟爸爸反對認為讀書比較重要，解約後陳嘉琦北漂了8年，她哽咽說：「個過程都幾辛苦，因為冇人幫你，咩都要靠自己衝去前面，覺得好攰。2013年就返深圳，返嚟呢10年都有做音樂，但因為要生活，所以都有做副業。」
（點新聞特約記者陳惠芳報道）
收藏
取消收藏
分享
