【點新聞報道】郭晉安與歐倩怡今年5月宣布離婚，正式為二人18年的婚姻畫上句號。二人回復單身，郭晉安當時受訪指二人於財政上已有安排。可是歐倩怡最近出席HOY TV節目時直言很需要錢。
歐倩怡指，一個人已搬到細單位獨居，子女跟前夫生活，坦言近20年都沒有在幕前工作，現在有點脫節，對於拍劇唱歌擔心應付不了，所以向營養師工作方面發展。她更直言「很需要錢」：「現在經濟不好，全香港人都等錢用吧！我16歲入行，但打工和以前當藝人很不同，現在才第一次感受到打工仔辛酸。我沒做正職，要頻撲找工作，任何掙錢機會也需要。」
郭晉安（安仔）昨晚（25日）出席無綫新劇《金式森林》煞科宴。提到前妻歐倩怡很需要錢，問及會否出手相助，安仔說：「呢方面嘅嘢我唔講啦，佢嘅嘢你哋問佢啦，因為去到呢個階段，你哋有咩直接搵佢。（大家會因子女事而聯絡溝通嗎？）都會，始終佢都係小朋友嘅媽媽。（前妻復出做幕前，雙方有否談論過？）冇，好少溝通。目前生活我已好習慣。」
安仔又談到拍攝該劇，過程有點辛苦，但大家拍得好開心：「例如對住羅子溢同陳曉華都會唔同。但有一個人真心要讚一讚佢，嗰個人就係莊子璇，佢係冇讀過訓練班，但有好多嘅技巧佢竟然都識。我就問佢點解你會知嘅，佢就答我見我哋點做，佢就會知。佢係好有慧根，係代表住2024年新一代，亦都希望佢會攞到新人獎。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
