【點新聞報道】英皇電影已定11月14日上映《破·地獄》，該片由陳茂賢執導、編劇，笑匠黃子華及許冠文（Michael）合作演出。電影未上映已受海外關注，繼入圍夏威夷國際電影節參展電影，《破·地獄》亦獲選為第21屆香港亞洲電影節開幕電影，以及晉身今屆東京國際電影節。陳茂賢、黃子華、許冠文、衛詩雅及朱栢康更會飛到當地出席首映，跟影迷交流見面。
黃子華與許冠文自《神算》後相隔三十年再次合作，令觀眾更驚喜的是，二人難得聚頭竟摒棄搞笑，在新戲中演繹一對性格南轅北轍的殯儀業拍檔。當中一場剖白戲，子華拍到感動拭淚，二人之後又驚喜合唱南音，帶來了一場極具感染力的表演。
這一晚拍攝傳統喃嘸老師傅文哥（許冠文飾），對於初入行做禮儀師的拍檔魏道生（黃子華飾）處事手法離經叛道相當不滿，魏道生欲跟對方請教示好，在餐廳向文哥剖白做禮儀師原委。因疫情拖垮生活，魏無奈轉行，子華演出時講到動情之處，難掩激動哽咽，拍完後更走到一邊拭淚。接着兩個角色一曲泯恩仇，子華和Michael破天荒合唱南音。
Michael為演好今次喃嘸師傅角色，開拍前特意拜師學習二胡及南音演唱，講到這次接觸南音，Michael笑稱有意外收穫：「以前我爸爸媽媽由細至大都係唱南音嘅，我就唱英文歌㗎嘛……以前覺得佢哋好老土，哈哈！但而家練練下，發現南音嘅深情同粵曲真係好好聽，尤其係講面對生死時啲歌詞，特別有一句好鍾意，係講眨下眼人生就過去，好有feel。」Michael又談到跟子華相隔超過三十年再度合作，不禁感慨萬千：「當時諗將來有機會，我哋再拍一部喜劇就好，發夢都估唔到要咁耐之後喇……估唔到又搵到一部唔笑嘅喜劇、係新穎嘅、係真係好開心，好大突破。」
子華亦表示，這次合作讓他感受到Michael依然如昔，言詞鋒利：「30年前嘅《神算》我做佢嘅編劇，真係同佢一齊去度個劇本，度咗幾個月，每日都見到佢，知道曬佢嘅思維啊、方式啊、速度啊。基本上呢次見返佢係冇變過，佢講過嘅說話真係要睇重。」兩位笑匠惺惺相惜，合演一段感動人心，引領生人與逝者離苦得樂的《破·地獄》旅程。
（點新聞特約記者陳惠芳報道）
相關報道：
收藏
取消收藏
分享
