【點新聞報道】吳君如昨日（23日）到新城接受譚玉瑛、何基佑及麥皓兒主持的節目《QK玉瑛室》訪問。她與導演陳可辛育有現年18歲愛女陳是知，君如在鏡頭前總給人感覺大情大性，但私下卻是名副其實的慈母，她在節目中更大爆與陳可辛捨不得責罵女兒，絕對是廿四孝父母。
君如於2006年41歲高齡誕下女兒，並親力親為照顧愛女，不過她自嘲當時自己就像電影《家有囍事》的「程大嫂」，臉容枯黃兼不修邊幅，「又要餵母乳、換尿片、沖涼，又要紮起個頭，我坐完月諗住去電台開咪，但因為我係開刀，把聲笑唔到，好似有道氣洩咗咁，我就係嗰時冇笑得咁大聲，我話我要暫停，後尾搵人替班。」
為照顧女兒的君如足不出戶，情緒亦十分崩緊，直至陳可辛提議她外出走動，她才到商場睇電影，「喺屋企睇嘢咁近，個女咁細粒，去商場睇套戲，一入到戲院就頭暈。」君如形容自己已到生不出的階段才誕下女兒，所以錫女錫到燶，並十分用心作出栽培，不過君如強調自己並非怪獸家長，「我真係管接管送，但補習就唔得，啲功課愈嚟愈深，啲傳媒話我用好多錢栽培個女，其實唔係你哋想像咁，都係正常帶佢去返學，最多帶佢上BB班，冇乜管佢，佢唔鍾意畫畫咪唔好畫，唔練鋼琴咪唔好練，交到功課咪得囉，我係陪伴佢，同佢傾偈嘅阿媽。」
問君如在教育女兒方面有否與陳可辛可意見不合？君如爆料謂：「佢梗係唔捨得鬧個女啦，我大部分時間都唔捨得，但好過分時就會鬧佢，鬧到七情上面，鬧到我自己先喊，咁佢就記得呢場戲喇！」
（點新聞特約記者陳惠芳報道）
收藏
取消收藏
分享
