【點新聞報道】劉俊謙及伍允龍合作的《武替道》經已上映。二人受訪問時，伍允龍提及主演兼任武術指導的董瑋，心存一份感激。伍允龍回憶董瑋曾經為自己出頭：「我記得當年我做新人嘅時候，喺片場畀人蝦，呢位師傅即刻企出嚟幫我出氣! 嗰刻我就覺得佢唔似在乎你地位高定低，路見不平就會出聲! 」
這套電影高手雲集，伍允龍都是其中之一，但劉俊謙不會覺得有壓力：「我好少會咁樣睇，我會用另外一個角度，當做一個新嘗試，我唔會驚自己做得唔好，我係會嘗試做好佢! 裏面九成嘅動作戲，都係自己親身上陣，佢哋都知我份人，唔係好鍾意用替身，見到個樣，梗係想畀人知道係自己做㗎啦! 」伍允龍立即插嘴持相反意見：「我本身好鍾意用替身，但係唔畀我用咋嘛! 哈哈哈！其實今次嘅動作係唔係太多，而我哋今次嘅動作指導江道海師傅拍攝時好清晰，動作安全亦到位! 所以大家都好放心! 」
其實做武術替身既辛苦又不能出樣，伍允龍亦有問過他們，為什麼會選擇繼續做下去：「好多武替話，人哋唔知冇所謂，我知道係我自己做，就會買飛入場睇，每次都好留意自己做嘅動作，做到啲好難度高嘅動作場面，自己就會有好大嘅滿足感，我成日講，痛楚即係片刻，但係電影係永恒嘅! 例如我斷咗隻手，佢係會好返，而拍攝出嚟嘅作品就永遠，所以每一次我都會盡力做到最好! 」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
