【點新聞報道】「混血肥仔」曾達恩（Tommy）主理的多媒體頻道最近推出一連六集連續短劇《人生好似好很難》，最新公開的第5集更請古天樂（古仔）粉墨登場，與丁丁正面過招！
古仔日理萬機處事認真，予人一種不言苟笑的感覺，可是在短劇中他卻飾演一名好努力去笑的化妝品店售貨員，一反嚴肅形象，甚有「反差萌」。劇中，古仔一邊微笑一邊誠懇地為丁丁服務，拎完粉底給丁丁後，便落足嘴頭推銷其他產品，不過丁丁明顯覺得古仔太Chur，好快就極不耐煩地直斥對方：「其實我想講好耐，你唔想笑，可以唔使夾硬笑喎！」語氣落足「火藥」。
古仔無辜被鬧後，便向丁丁解釋店舖正參加商場舉行的「微笑行動」，所以自己要一直保持微笑，仲解釋自己為何不斷推銷：「其實我本身係sales嚟，sell嘢係我嘅責任，乜有錯㗎咩？」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
