飲食業長期缺人手，網上日前有一則酒家招聘廣告，以月薪2萬招聘全職侍應，但由於工時、休息時間安排，引起網民兩極反應。
有網民在fb群組「香港茶餐廳及美食關注組」分享一張照片，質疑「咁嘅返工時間?!」。從照片可見，內容為鰂魚涌一間酒家的招聘全職侍應一名，月薪為2萬，工作時間由上午11:30至下午3:00，中間會有兩個半小時「落場」休息時間，之後由下午5:30工作至晚上11:00下班，逢周六及假期休上半天，以及逢星期日休息。
網民對此招聘廣告反應兩極，有人認為工作時間與休息時間不合理，「落場唔計返工時間，如果我老遠跨區返工，嗰兩個鐘我做得乜嘢，分分鐘連響舖面趴住恰一陣都唔畀」、「落場嘅工慘過西，除非你屋企係附近」、「真係落到場先講，好多時D野做唔哂就留落埸搞，基本上可以話係食飯食耐啲咁解！由尤現今用到盡，點會放過你」、「全日時間俾哂佢。爭在未賣身」。
不過，有網民認為酒樓工要落場好正常，「針冇兩頭利㗎」、「人工假期算吸引」、「做食肆休星期日，算係咁」、「雖然落場時間係短但星期六休半日、星期日休息對於飲食業真係少有」、「落場更，但人工高，假期都理想，如果住附近真係玩得過」。
收藏
取消收藏
分享
