猜猜我是誰｜送錯高帽　狄娜KO曾志偉成笑點

【點新聞報道】由方東昇及黃曉瑩攜手炮製《猜猜我是誰》，結局周可謂星光熠熠及哲理處處，首先打響頭炮的是一連兩集以「奇女子」狄娜為主題的影片。

原來狄娜與「香港小姐」甚有淵緣，分別於1973年、1975年及2006年先後為港姐擔任嘉賓、「最上鏡小姐」頒獎嘉賓及大會評判，其中1975年的關愛社會言論，更是相當Impressive，盡顯女中豪傑面。狄娜頒獎前說：「喺呢個多姿多采嘅美麗場合之中哩，唔好忘記仲有好多外面不美麗嘅場合，今日香港仲有成千上萬失業嘅人，經濟衰退仲有待於各方面嘅努力，所以我衷心希望呢位獲選嘅人，奪得呢個榮銜嘅時候，要心繫香港社會環境嘅狀況，身負促進社會繁榮嘅使命，使到選美有真正嘅意義。」

相隔31年，狄娜再臨港姐盛典繼續大晒口才，當年大會司儀之一的志偉見到狄娜上台即狂笠高帽，狄娜聞言笑笑口KO志偉謂：「曾生你唔好咁講，我知道你唔係真心嘅！」令台下的劉嘉玲及郭富城等笑不攏嘴，如此有幽默感，難怪周潤發當年亦曾公開興奮自稱是狄娜粉絲。

狄娜於2010年去世，喪禮上她好友陳永康代狄娜向大家告別謂：「她想大家記得，她生前的談笑風生，而不想大家看到她死後的木無表情」。《猜猜我是誰》還節錄了狄娜生前在訪談節目中的金句，當中婚姻論絕對經典：「婚姻係一場永遠爭辯唔完嘅討論，你相信我。」

（點新聞特約記者陳惠芳報道）