藝人張致恒（Steven）最近到地盤開工掙錢養家，又貼出一家六口全家福賀細仔天樂生日照片，盡顯好爸爸一面。點知，沉靜咗一排的太太區燕雯（雯雯），日前凌晨再度爆seed，在社交平以黑底白字不點名鬧Steven冷血，連三仔天朗呼吸困難也不理會，丟下一句：「佢依家仲有呼吸咪得」。
雯雯日前鬧爆Steven唔理兒子病況，「屋企存在病菌，一個傳一個，仲要全部未病好。今日帶一個朋友小朋友嘔咗回家沖涼，坦白講對人哋同自己小朋友負責任嘅，係咪唔應該呢個時候去博？我知道呢位朋友幫咗我哋好多，我哋係冇可能拒絕，但咁多小朋友，我相信真心朋友嘅會明白。」
她表示，「今日朗朗仲要呼吸唔到，要立刻去醫院，當時你喺出面招呼緊朋友，仲要走入嚟大大聲鬧我，連朗朗辛苦到咁、喊到咁犀利都望咗我一眼，細細聲叫咗我一聲媽咪。再到我媽打來，聽到我喊都安慰我，叫我快帶朗去醫院。你？！最記得：佢依家仲有呼吸咪得。」最後，雯雯還不忘自嘲：「係呀，我靜咗咁耐又出嚟發癲。」
收藏
取消收藏
分享
