【點新聞報道】日前石修及米雪為馬來西亞《Astro經典名曲歌唱大賽2024》擔任評審，二人突然現身，除了令現場觀眾即時起鬨，亦令一眾參賽者大感驚喜。
石修及米雪均表示喜歡唱歌及跳舞，石修玩了多年色士風（Saxophone），但原來他亦喜歡唱歌，多年前曾參加過歌唱比賽，更贏得冠軍，「參加過《「李後主」歌唱比賽》得第一名，我記得嗰陣時係唱《破陣子》。」至於米雪坦言自己專注演戲，笑言：「知道自己唔係呢瓣嘅，你出去比賽，一定有人唱得好過你，咁就唔好阻住大家啦，俾啲心機做戲好過啦。」不過她一直有跟老師學唱歌，「此因出去做宣傳或者登台演出，呢個係滿足嘅和開心，所以要練住把聲先至可以越唱越好，唔會停留喺原地。」
這次作為歌唱比賽評審，米雪認為最重要是參賽者有否努力、用心及練歌，「呢啲係聽到、睇到，一定要用功，再加埋喺台上嘅表演、現場嘅對答，我覺得聲、色、藝呢幾樣係好緊要。」至於石修則更加嚴謹，「會注意參賽者嘅選曲，大家熟識嘅，能得到評判共鳴，自己能駕馭嘅，能盡量發揮，出錯機會少；衣着要配合首歌，唔可以錯配，七彩繽紛亂咁配搭會扣分。因唱歌配搭衣着是showmanship，不可分割。其餘就係音準、音域、音質、節拍、delivery能力、感情、肢體語言、對歌曲歌詞了解、風格及唱出嚟嘅味道。」
石修對其中一位參賽者印象特別深刻，「有一位唱《夜上海》嘅女參賽者，完全唱出歌曲嘅描寫，將紙醉金迷、夜夜笙歌、奢侈浮華嘅意境，用歌聲發揮得淋漓盡致。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
