有巴士司機失誤下偏離原本路線，變成來回紅隧「遊車河」。有港女日前早上上班從灣仔乘搭城巴788線巴士往柴灣時，司機竟行錯路，載全車乘客經紅隧過海，港女形容身處紅磡當刻「有一刻諗緊係咪幻覺」，又笑言「希望老細相信我呢個遲到嘅故事」。
該名港女於本周一（2日）於社交平台threads上載影片，指早上乘搭城巴788從灣仔會展上車往柴灣上班，沒想到巴士司機行錯路過海，感嘆「巴士司機真係星期一朝早嚟玩嘢，揸咗過海，有一刻諗緊係咪幻覺」。最終車長來回紅隧後繼續行程往柴灣，由灣仔入境事務大樓登車往柴灣耗時約半小時，港女無奈表示「希望老細相信我呢個遲到嘅故事」。
翻查資料，城巴788往來上環港澳碼頭至小西灣藍灣半島，全程站點均在港島區。然而，從事主上載的影片可見，巴士已經紅隧到達理工大學出口位置，廂屏幕則顯示「香港高等教育科技學院」。
不少網民看過影片後，均大讚車上乘客表現，「架車啲人咁冷靜」、「高eq，讚！」、上層完全冇人出聲×鬼」、「嘈嚟都冇用，快啲解決問題先至係上策」。帖文亦吸引到城巴官方帳戶出面回應，戲稱「恭喜成為幸運兒 獲得免費過海之旅」，結果卻被網民鬧爆「嘩咁寸？」、「拎其他乘客份工出嚟俾你搞笑？」。
收藏
取消收藏
分享
