香港機場巴士乘客都會將行李箱放在巴士的下層行李架，有網民日前在社交平台發文，批評有乘客把細喼放在行李架最底層，未有顧及攜帶大型行李的乘客。當其他乘客鼓譟時，便裝作沒事一樣，第一時間衝出嚟幫手，仲要大大聲咁話要守望相助。樓主直言「聽到火起」，批評3人的行徑「勁噁心囉。」
該網民在fb群組「大埔 TAI PO」發文指，在機場登上龍運巴士A47X線巴士時，發現排頭位的3名中年男乘客一上車就把細喼放到行李架的最底層，總數6細喼，樓主見狀立即聲要求他們把行李放到較高位置，因為後方還有攜帶大型行李的乘客上車。
樓主續指，對方3人起初「扮聽唔到即刻坐低」，及後有大型行李乘客登車「見細喼放下層都出聲鬧同出手移行李」。此時，3人第一時間衝出來幫手，並大大聲咁話「大家大埔人，我哋要守望相助，大家互相幫大家。」樓主直言「聽到火起」，批評3人乖乖地把細喼放中層同上層便沒有問題，「仲話自己大埔人，勁噁心囉。」
不少網民留言批評3名乘客行為自私、無公德心，「當你拎住大喼，上到車見到下層全部細喼就知慘」、「公德呢樣野真係唔係人人有，細喼我都會放返中上層，留下層比大喼重行李放」、「啲人不嬲都自私，唔會諗下第二個要放大喼架啦」、「有啲人真係好自私，細喼就放上層啦」、「自私自利其實都係好多香港人嘅特性嚟㗎喇」。
不過，亦有網民持相反意見，指「無規定放邊度又唔怪得人」、「人哋上車先佢放邊又真係怨唔到人喎…」、「邊個話細喼一定要放中上層？如果個大喼輕過細喼呢？」
收藏
取消收藏
分享
