走佬去英國、已執笠的童裝連鎖店Chickeeduck老闆周小龍進軍教育界，在社交平台宣布在英國成立Chickeeduck中文學院，聲稱栽培下一代說流利的國語。不過，就被不少「手足」鬧爆，搞到兩邊不是人。
踏入九月新學年開始，周小龍昨日在社交平台發文稱，其董事局一致通過，「在英國成立Chickeeduck中文學院，用國語教導真正的中國歷史，向在英國的小朋友及年青人教導真相，栽培下一代說流利的國語，進入他們的世界」云云；又表示正開始招攬投資者，及聘請擁護普世價值觀的國語老師。
帖文一出，被不少「手足」鬧爆「點解唔用廣東話？」、「廣東話先係正統」、「你係咪應該認真思考呢四五年係咪企錯邊？」周小龍在留言區發文解釋指稱，「你哋問下啲美國，英國，法國，德國，日本等等嘅國際大企業想你哋啲小朋友識講廣東話定係國語，得到答案就話我知，我跟隨結果來開班，喺英國請廣東話中文老師容易好多㗎。」
之後，他又戴定頭盔話：「Chickeeduck中文學院是教中文，中文是包括書面語，國語及廣東話，我們的課程是沒有什麼普通話」喎。有網民直斥「呢啲其身不正，反骨、反國家嘅人可以做教育？擺明去茶毒下一代」、「只係想喺英國教佢哋作出嚟嘅歷史、要幫喺英國嘅中國人洗腦」、「搵投資者？ 即係叫人課金」。
收藏
取消收藏
分享
