藝人張致恒（Steven）早前終於完成建造業強制性基本安全訓練課程（平安卡），成為「職安真漢子」掙錢養家。昨日他在社交平台貼出一家六口全家福賀細仔一歲生日，分享家庭樂。不少網民留言為天樂送上祝賀，亦有人留言為張致恒打氣，「天樂生日快樂！爸爸媽媽加油呀！」。
張致恒昨日在ig貼出一家六口全家福照，寫道「張天樂一歲生日啦，呢張相就係我哋平時嘅生活寫照，四個仔真係好難搞，根本冇可能可以正常影到一張相，但係可以照顧一個屋企係我嘅福份，我鍾意呢一份熱鬧，雖然係辛苦，但係總好過唔知為乜生存！」。
不少網民留言為張致恒打氣，「Steven，加油呀，冇嘢係搞唔掂嘅，只要努力就得㗎喇」、「咁咪幾好，唔好再呻死死死，努力捱下去，捱捱下就有出頭天」、「日子會慢慢變好的，要好好經營」，藝人吳若亦希留言叫他「加油」。
另有不少網民稱讚小朋友都似爸爸，「高顏值的四位小朋友」、「全部顏值都好高，可以組一個組男團」。
收藏
取消收藏
分享
