手機八達通支付交通、飲食、購物，真係十分方便！不過，有網民就提醒唔好係八達通機前面撳電話。皆因有乘客迫巴士期間，因為太靠近收費拍卡機，竟錯手再「嘟」一聲被扣多次錢。
有網民在社交平台Threads分享搭巴士見證了一件好蠢的事，指放工時間巴士上有好多乘客，有一名女乘客站在車頭靠近收費拍卡機位置，「有個女人撳住電話企喺八達通機前面，五個站之後 架車chok一chok，『嘟』佢咁就比多咗次錢。」樓主指，該名女乘客不久便下了車，「嬲嬲地下站落咗車。」
帖文引來網民熱議，有人指有「警世，唔好係八達通機前面撳電話」、「一向要用先開NFC，用完即刻關返個NFC」、「呢個時候如果有人上車，可以好型講句我幫你畀」。
另有網民分享類似事件，「試過用一隻手拎住手機＋八達通，拍一次機，畀2次錢，自始就熄咗個自動八達通功能」、「有日搭巴士有輪椅要上車，巴士司機岀嚟開條斜路俾佢上，然後司機隻apple watch唔小心嘟咗一聲」、「當年有一日，東鐵由金鐘過海，喺頭等門口玩電話玩到淨返半個站落車，啫一聲，畀咗頭等錢，我同旁邊嘅路人一齊呆咗，嬲嬲地入去坐滿人嘅頭等企個站落車，喂呀，過海好貴嫁」。
收藏
取消收藏
分享
