都市人手機不離身，駕駛期間睇手機、電腦平板，一旦分心易釀意外。近日有網民上載照片，指有一名小巴司機疑在駕駛期間將手機放在支架上觀看，質疑對方「邊揸車邊睇手機劇」。照片隨即引起網民熱議，不少人鬧爆司機「離譜」、「隨時害死十幾人」，不過亦有人認為只是一張相證據未必足夠舉證。
該名網民在fb群組「香港突發事故報料區」上載照片，寫道：「你都叻架啦，邊揸車邊睇手機劇，成車十幾條命喺你手上架大佬！」從照片可見，事發於早上8時許，在407線往瑪嘉烈醫院的某輛小巴上，乘客從後拍攝到司機將手機放在駕駛儀標板附近，手機顯示一名男子的畫面。照片拍攝時，涉事小巴處於路中央，可能是行駛期間，不過由於沒有拍下車速顯示器，只有小巴司機背影，故難判斷司機是否在看手機。
然而，不少網民看過照片都認為司機有看手機的嫌疑，狠批他「離譜」、「隨時害死十幾人！拍低片舉報佢危險駕駛啦！」、「大佬呀你唔好咁黐線啦」、「呢個年代電話係害死好多人」、「邊揸車邊篤電話，真係好危險一不留神就仆直」。有網民認為應即時警告司機，「影完相有咩用？」、「既然咁危險點解唔行埋去Ｘ佢？放上網托咩」、「影相嗰位有冇出聲叫司機專心駕駛」。
不過，也有網民認為難以舉證，「只是一張相證據未必足夠，最好係有埋片才可以證明行車時違例」、「除非你影到佢用手㩒電話，就咁睇個角度可以話睇路面又得睇電話亦得」、「你呢幅相未必夠，因為冇影到行車速度顯示器。除非你肯上庭指證啦」。
收藏
取消收藏
分享
