義工拯救流浪貓狗後，都希望為牠們覓得好主。不過，近日一名義工在社交平台發文為一對流浪唐狗尋找主人時，竟設下「死線」，稱如果死線前無人領養，將會「親自送佢哋一程」，帖文引起一眾網民怒火。
該名義工12日在fb發文並上傳一對唐狗的照片，指唐狗兩兄弟約4個月大，是她於今年6月中揸車途經大帽山嘅時候發現並救起，已打第一針及杜蟲，惟等了兩個月，就算出post參加領養日都冇人睇中佢哋，暫託姨姨屋企已經有好多狗，唔可以收留佢哋」。
她表示，「如果9月30號之前無人領養，我會10月1日親自送佢哋一程。唔好問我點解，問下啲人點解買狗仲好，問下佢哋點解選擇購買而唔領養。你哋每買一隻狗，就等於扼殺咗一隻正等待領養嘅狗嘅機會。」
帖文引起網民激烈回應，有網民留言怒斥「咩叫送一程！幫唔到如果沒人領養咪絕育原放囉，生命唔係任何人可話事，簡直係道德勒索」、「出唔到領養，無能力繼續照顧，要原地放回都好過安樂死吓話...成件事好痴L 線...」、「好怕呢啲情緒勒索。捉左人自以為是對人好，點知自己無能就大大聲話無人幫就送人一程，你係咪有問題？」、「走火入魔，唔想做，就收山」。不過，該名義工之後再發帖否認情勒，「我真係冇情緒勒索過人，唔好屈Ｘ我啦」。
收藏
取消收藏
分享
