只要多加留意，便會發現身邊有很多好人好事！近日有網民分享在巴士遇上的兩件暖心事，指早上搭車時，見有靠窗而坐的女乘客，主動向恰眼瞓的陌生男乘客提出調位，好讓對方靠窗好好休息；另在放工等巴士時，見有巴士車長耐心等候數名追巴士的乘客，形容「成件事好可愛又好有愛」。樓主有感而發地表示，「大家看似冷漠，其實心裏充滿愛，香港人可能實際上係一群可愛嘅傲嬌」、「間唔中見到呢啲都會覺得原來香港人都係好有愛的」。
該名網民在社交平台Threads上發帖憶述日前遇到的「巴士暖心事兩則」，指早上乘坐巴士上班時，見到前座有一男一女的乘客，雙方互不相識「女坐左窗邊男坐右走道」，男乘客在車上恰眼瞓，「差啲成個頭舂咗落個女仔度」。樓主起初也有些側目，「我心諗呢條友咩料，有咩事，實啲到時幫個女仔」。
結果該名男乘客驚醒後，便戴好安全帶，慎防再睡着後會靠向女乘客，不過「過咗一段時間之後佢仲係舂嚟舂去」。女乘客於是主動向對方提出調位，表示「要唔要調位可以挨住窗瞓得好啲」。最後，兩人交換座位，解決事件。
同日，樓主放工在巴士站等車時，見到有5個人追同一巴士，車長見狀耐心等候他們，「係有5個人『分別地』追同一架巴士，留意返係『分別地』，然後個司機就係咁開門閂門、開門閂門」。樓主指平日所見「一般追巴士個司機等唔等你真係見仁見智」，故對該車長願意等候追巴士的乘客，大讚「成件事好可愛又好有愛」。
帖文引來批網民讚好，「睇到個心甜一甜，其實香港人都可以好有愛，唔使係啲咩事，每人做多步已經可以好溫暖」、「調位單嘢真心warm，真係好少人可以咁為陌生人着想」、「巴士司機真心有愛」。亦有網民讚樓主好細心「有陣時放低手機睇吓身邊有溫度嘅小故事，真係比起睇條片嚟得溫暖」。
收藏
取消收藏
分享
