夜歸女士要提高警覺，注意安全！有女網民發文分享自己早前深夜坐的士回家時，在大廈樓下發現可疑男子，令她大感不安，幸好的士司機了解後，立即主動詢問「使唔使目送到妳入去？」，當她準備步入大廈時，司機更打開車窗，大嗌：「我打電話畀妳啊！」，令她大呼「好有安全感！佢真係好nice！！」。
該女網民在社交平台threads發文憶述事件，指當晚凌晨1時許乘搭的士回家，到達大廈時發現樓下有一名男子坐在凳上，由於較早前該大廈曾有陌生人入屋強姦的案件，她心中警鈴大響，一直「左望右望」。
的士司機見狀便詢問她是否認識該男子，她回應表示「唔識」，然後司機主動提出「使唔使目送到妳入去？」，樓主立即答「要！」。的士司機於是向她表示，「好啦，我一陣喺度嗌打電話畀你」。然後，當樓主準備步入大廈時，司機打開車窗大嗌：「我打電話畀你啊！」頓時令她大為感動，稱「有冇人明啊？？好有安全感！佢真係好nice！！」。
不少網民都大讚的士司機好窩心，「其實好多的士司機心地好好」、「呢啲真係良心的士司機」、「超nice」、「夜更好司機比較多，因為無日更啲司機咁想追生意」。
有網民則分享類似經歷，「我之前試過坐的士副駕，太攰唔小心瞓着咗，到站之後司機同我講：下次坐前面唔好瞓，有啲司機好衰㗎」、「我住村屋，次次夜晚落的士司機都會目送我返到屋企入門口先走」、「有次凌晨機之後搭的士返屋企，我樓下有2條好長嘅樓梯，個的士司機見我一個女仔拎住20kg行李，佢二話不說落車幫我搬上去，好感激」。
收藏
取消收藏
分享
