【點新聞報道】《2024香港小姐競選》15強外景拍攝已經陸續展開，第四批候選佳麗1號陳紫佟（Jessie）、10號吳芷靖（Clary）和13號程姜月（Dolores）日前出發新加坡，並由視后江美儀和師姐邵初帶領下進行外景拍攝。
三位佳麗此行行程豐富，其中重點是拍攝泳裝相，三位均以三點式上陣，個個自信十足。美儀姐教路三位拍攝技巧。邵初則指要做好表情管理：「最緊要有自信，同埋有笑容，唔好掛住顧其他嘢之後唔記得咗個樣！」其實美儀姐和邵初對三位佳麗照顧有加，更親手幫她們化妝和整理髮型，非常有愛。
事後三位佳麗、美儀姐和邵初一同受訪，問到第一次穿泳裝拍攝感受如何？18歲的Jessie說：「之前都着過泳衣影相，但今次三點式，覺得有啲拘謹同緊張。」Clary則冇有怕：「我就覺得OK啦，因為都習慣咗。」有「翻版蔡潔」之稱的Dolores則說：「第一次着三點式，開始時都覺得好怕醜，面對鏡頭都唔知點擺Pose，但都係一次新嘗試。」三位佳麗異口同聲感謝邵初教她們拍攝泳裝鏡頭的技巧。
邵初爆料指美儀姐對大家十分照顧，再問到：「觀眾最想知你有冇着泳裝？」美儀姐笑言：「呢個絕對有，大家要留意節目！」美儀姐更率先在社交網大晒泳衣相，並上載12年前泳裝背面照作對比，雖然美儀姐已經年過半百，但她的背肌非常明顯，絕對是落足心機操練而成，網友留言大讚。
當中年紀最輕的Jessie成為大家重點照顧對象，Dolores笑言：「我依家叫佢阿妹，佢真係好可愛，佢成日有啲天然呆，平時都會特別照顧佢，幫佢整吓頭髮。」Jessie很感恩獲得大家的照顧。Clary則指Jessie其實很照顧大家：「佢會負責叫我哋起身！」美儀姐問到三人誰吃得最多東西時，Clary乖乖舉手自動投案：「個串燒真係好好味，唔記得食咗幾多。」美儀姐即踢爆她說：「你差唔多食咗一打！」
（點新聞特約記者陳惠芳報道）
收藏
取消收藏
分享
